傻瓜，我不是甚麼心理醫生，只是個普通人，但會從別人的錯誤中學習，因為我覺得愛情問題來來去去都是那幾個。

近來我很不開心, 想找別人哭訴, 但我的經歷其他人是不認同的, 我無意中見到你的blog, 我看了很多, 深深感受到,你好叻, 全寫出我的心情. 請問你是否心理醫生, 若果是為何我去見的都不如你的看法及要我能接受. 多謝你, 你的blog令我找出自己方向.請繼續努力. 多謝你的啟發.

有次有個女性朋友告訴我，女追男，好困難，問我，男追女，是否好容易，我告訴她：「不是的。如果我好有條件，當然追女仔好容易，但如果像我這樣平凡，旺角一手找到幾百個，那我追女仔之前，一定要令她有少少喜歡我，之後我點追都會成功；如對方無喜歡我之意，就算我出晒汁出晒血去追，我都係追唔到。」

如果對方無喜歡我之意，甚至朋友，也不是很喜歡我這個朋友，我表白後，佢一定同我散band。

無論男追女，或女追男，都是這樣。

RC，我相信你太集中在自己立場去想，你沒有站在對方的立場去想，你不妨想想：如果有個女孩子喜歡你，她要做甚麼，你才會喜歡她？ 又她做喜歡，你就一定連朋友都無得做？

你可以用私人留言啊。

今日無意撞入閣下之blog
發覺閣下所言甚有道理，尤其「選擇」一post真令人再三反思

本人有事不便公開討論
不知可否email 聯絡？

多謝你的讚賞。因為時間不配合，加上我興趣的轉變，我已經沒有教授愛情課程了。

其實我對愛情的想法，除了相處比較少講及（我是刻意的這樣的），其它的已經講了好多好多了。

你對於哪篇有感覺？哪觀點有疑問？有空時可以告訴我呢。

我一直主張，一段長久和幸福的關係，是需要很多東西配合才成，feel的配合是一樣，兩人的價值觀也是很重要的一環，如果只計較大家的feel是否一致，那麼將來相處後，分歧便會慢慢出現，你以前的感情故事，不是一個很好的教訓嗎？

我在分類「有無揀錯人」的「擇偶條件五」上寫了很多選擇對象時應注意的地方，他是否完全配合？我傾向於相信，如果他是如此配合你，你又如此配合他，這麼天作之合，你倆一早就走在一起了。

就因為我唔主張：兩人有feel就可以走埋一齊，其它事日後才理，總之倆人有feel，就萬事大吉，一天光晒。就因為我唔主張這些，所以你問的問題，我真的不想回應啊。

對不起。

anyway, thanks~

我不是一個喜歡猜估別人的人，我始終覺得人與人之間貴乎坦誠。如果可以問，千萬不要估。如果我是你，我會向他坦白，如果他又向我坦白，便一天光晒；如果你坦白，他隱瞞，我會叫他去死，然後找個第二個。

第二個問題：錯過了可以重新來過嗎？每人都不同，你個case可以嗎？我相信只有老天才知道。

第三個問題：你應該如何是好？你是不是問我，你應該怎麼辦，才能挽救他對你的feel？如果是，我就不想回應了。

對不起，幫不到你的忙。

我對於呢段感情一直斷斷續續咁, 放唔低。我想知道, 個男仔對我有情定係無意???

係唔係有d野錯過左, 就無機會再重開一次???

我應該如何是好??? 謝謝你~

內容如下:
2004年既一日，個男仔突然搵我傾電話，當時我有男朋友，而且同朋友傾電話我覺得無問題，加上我都係一個健談既人。
當時，我無特別在意佢既目的，亦無考究。我好少主動搵佢，突然有一日，佢打比我：「做咩最近唔搵我呀？」。我個下覺得有ｄ奇怪，都唔係太在意。但至個次之後，我地差唔多日日傾電話。內容都係一ｄ無聊野，吹下水，有時傾到凌晨，傾到爆分鐘。
直至2005年，佢識左個女仔，同佢拍左拖３個月，分手個日佢打左比我，佢咩都無講，只係靜靜咁聽我講野。其間，我聽到佢好似喊。我只係安慰住佢．．．
之後，我地更加Friend，我知佢一直都有掛住佢ex。到2005年12月，佢買聖誕卡比佢ex，竟然都買比我，佢都有幾個幾friend既女性朋友，但竟然只係送比我，當時，我覺得自己係佢心中，都有一定既位置。
佢生日既時候，都會問我：「唔知今年你會整咩蛋糕比我食呢？」，情人節都會問我：「唔知今年有無朱古力呢？」。由2006年開始，每年我都有整蛋糕同送朱古力比佢。
我地既關係一直無變，直至2006年聖誕節，我同佢同２個朋友去飲野，佢竟然由觀塘送我去旺角搭車(平時唔會咁做)，途中，佢話佢變左，以前既佢一定唔會送我，我就講笑咁問佢：「係咪因為愛上左我呢？」２次佢都無答。至個次我就留意左佢既舉動。
佢一直對我好好，我知道係真心既好。我通完頂，病左３次，佢第２日起身立即打比我，問我好Ｄ未？
2007年，我有送聖誕卡比佢，所以我叫佢送生日禮物比我，佢送左個手動音樂盒(生日歌)比我。
生日個時，我地玩「真心話」，我問佢：「我係你心目中係咩？」佢答：「係好朋友」。當時我有好多朋友係度，我唔知佢答既係真定假。(其他人都識我男朋友)
同年既情人節，我都有送朱古力比佢，我要求佢3月14日送對耳環比我，雖然遲左，但最後都有送。
有一次，係我無要求下，言談間比左個ｅ－ｍａｉｌ密碼我，之後又話其實比你知都無所謂，都無特別野睇。
發生左好多好多事，令到我覺得我地太close，而且旁人既眼中，我地簡直係情侶一樣。我男朋友亦開始為左我地既事而嬲（佢地係朋友），我因為怕愛上佢(其實已經在意)，有一日，我同佢講：「不如你唔好打比我啦」，佢問：「點解？」我話：「無得解」，佢話：「唔好講埋ｄ咁既野啦」．．．之後，佢都繼續有打比我，有時ｌｕｎｃｈ都會打比我，之後有次我同佢講：「真係唔想接你電話」，佢問：「又做咩呀？」，我話：「無，唔想接就唔想接」，佢等左一等，然後好認真同我講：「你會比死更難受」，我就話：「講笑者」。
至個次之後，佢就無再主動搵我，我地既關係亦開始冷卻。
2008年年尾，我同我男朋友分手（唔關佢事），佢都有陪住我，不過比起以前既關心，明顯唔同。但佢都會陪住我，我需要佢既時候，佢唔會推．．．
呢半年，我有中意過其他人，都有同佢傾，佢既表現好正常。完全無唔開心之類。我地又好似初初咁，傾下電話，不過比起４年前既感覺，唔同左好多。但中意佢既感覺，又再慢慢出現。
直至上年聖誕節，我同佢講，我想要聖誕禮物，一開始既時候，佢好堅決話：「唔會送」，但到12月23日，ｓｍｓ比我問我：「聖誕禮物同生日禮物，只可以揀一樣。」，最後，都送左對耳環比我。
今年，佢本來打算一個人去南非，但佢甘岩揀左我生日個日去，我就口快快講：「我又去」，佢就話：「你咪黎囉！」。之後，我地ｄ朋友都以為我地會成為一對，成日笑我地。漸漸地，我對佢又再日久生情。
直至今年2月14日，我地出發去南非，８日既相處，都無發生ｄ咩親密行為。直至最後一晚，我地係床上玩，都有攬住（一陣），但我唔敢進一步，佢又無進一步，最後大家都分開左。到最後搭飛機返香港，起飛前，佢突然拖左我一下。我當時真係有ｄ開心，當佢想放手時，我就立即反捉住佢，就咁拖住起飛。但我錯過左問佢既時機．．．
返到香港，我地好似無左件事。過左幾日，我問佢點解拖我，佢竟然答我：「下？因為驚囉！咁驚既話捉住一個人好正常。」當時，我好唔開心．．．
之後從朋友口中得知，佢當我係一個好好好好既朋友，佢好重視我，佢唔想因為呢件事，破壞左大家既關係。佢話無諗過我會誤會。
直至今日，我地都無咩再提起呢件事。不過見面時會尷尬，都有傾下電話，但無咩好講左。岩岩去完泰國，我地8個人一齊去。佢有刻意迴避我, 我感覺到。可能佢唔想我再一次誤會吧...我唔知我對佢係唔甘心定仲有中意．．．不過大家既關係都開始好轉．．．